За книгата
Делото, насловено како "Македонците во САД и во Канда", содржи пет поглавја. Првото, "Иселеништвото како судбина", поаѓа од податоците за причините, последиците, државите и обемот на иселувањата; улогата на Македонската православна црква во овие процеси и ефектите од нејзините ангажмани во средината на доселениците, одржувањето и негувањето на верските и културните традиции, како и улогата на МПЦ-ОА во односите со соседните земји денес. Во второто поглавје, пак, насловено "Судбината на Македонците до Втората светска војна", го опфаќа етничкото организирање на Македонците меѓу двете светски војни. Во третото поглавје значаен простор е посветен на Американско-канадската македонска православна епархија, која постои од 1967 година и игра значајна улога во организирањето на севкупното живеење на македонските православни цркви и црковни општини. Епархијата, како и црквите, се легално регистрирани македонски институции, признати од властите на САД и Канада, а познати и широко прифатени од Македонците во овие земји. Од 1975 година до денес, Епархијата секоја година одржува црковно-народни собири, на кои доаѓа до израз заедништвото на македонските доселеници и нивните црковни институции, на бројните фолклорни групи и спортските екипи. Активностите на Македонците во САД и Канада се презентирани во четвртото поглавје кое е посветено на македонските црковно-национални центри и информативните гласила, македонските радио и ТВ-часови, црковните билтени, македонските страници во други изданија и сл. Петтото поглавје на делото <Македонците во САД и во Канада>, насловено како "Македонската вистина денес", е посветено на Статутот на Американско-канадската македонска православна епархија, а ги содржи и објавените публикации за, и на Македонците во САД и Канада. Корици: Твърди
Македонците во САД и во Канада / The macedonians in USA and Canada — Славе Николовски-Катин. Издателство: Македонска искра. Година: 2002. Език: Английски и Македонски. 395 страници. Състояние: Много добро.